01.04.07 Tinderittet inviterar juniorane

Tinderittet

ARKIV home

Til alle skiløparar under 15 år! Velkomne til Tinderittet Junior!

De har i mange år meldt dykkar interesse. No skal de få lov å delta på Tinderittet de også. Start frå Øvre Dyrhaug (1450 moh), ved grensa til Jotunheimen Nasjonalpark. Starttidspunktet er klokka 1201, den 28. april.

Løparar som er 10 år og yngre, må ha fylgje med ein eldre person. Tinderittet Junior nyttar same skjema som Tinderittet for påmelding.

Det vert truleg sett ei eiga løype for juniorane. Løypa vil uansett vera trygg og god for alle ferdigheitsnivå. Tinderittet Junior har same mål som Tinderittet, ved Turtagrø på 900 moh.

Alle juniorane som deltek får både premie og T-skjorte.

Juniorane skal ha hjelm, ryggsekk og fangreimar. Det er ingen spesielle krav til sekkvekt. Juniorane kan ha telemarksski, alpinski eller snøbrett. Tidtaking som Tinderittet. Ingen vert diska. men, feil passering av port gir 30 sekund tillegg, og gløymer du reipelykkja, får du eitt minutt i tillegg. Har du snøbrett, slepp du reipelykkja.