Tinderittet 2000 gjekk langs den skraverte løypa. Det var rett på, og dei beste tok heller ikkje svingen over reipelykkja. Løypesetjarar var Egil Johannes Vangsnes, Gard Vangsnes, Gjert Grødal og Arne Monrad Johnsen. Tinderittet 2000 var kanskje det beste nokon sinne, med skyfri himmel, god temperatur, mykje snø og godt føre. Det var hardt og fast over platået (Øvre Dyrhaug), og mjuk og fin vårsnø lenger nede. Saman med gode lauparar, gode ski, høge støvlar, og ei superopen løype frå start til mål, der reipelykkja var einaste hindring, vart det nye rekordar med god margin. Ole Bjarne Lysklett frå Sogndal klarde bakken på 5.35, med Kåre Kristian Aaberge like bak på 5.43. Fantastisk.