 Turtagrø, Hurrungane, Luster, Norway TINDERITTET Arrangert av IL Fanaråk sidan 1992
|
||||||||||||||||||||||||||||||||||||||||||||||||||||||||||||||||||||||
 |
Fjelltelemark - Alpint - Snøbrett
|
|
||||||||||||||||||||||||||||||||||||||||||||||||||||||||||||||||||||
|
Om Tinderittet | Program | Løypa | Premiar | Påmelding | Kontakt | Resultat | Overnatting og transport | Foto | RESULTAT 2008
|
|
||||||||||||||||||||||||||||||||||||||||||||||||||||||||||||||||||||
 |
||||||||||||||||||||||||||||||||||||||||||||||||||||||||||||||||||||||
TINDERITTET JUNIOR 2008: Juniorane har vore den viktigaste målgruppa for Tinderittet og dei andre fjellrenna i Sogn denne vinteren. Kring 30 stilte til start på det siste rennet i Telenorkarusellen. Her har dei fått sine sekker og buffar frå Norges Skiforbund for god innsats, saman med flotte rosemålte bollar frå Tinderittet. Til neste år vonar arrangørane på endå fleire unge skileikarar. Fleire av dei unge er også med som løypesetjarar, for å sikra rekrutteringa på alle område.
|
||||||||||||||||||||||||||||||||||||||||||||||||||||||||||||||||||||||
|
|
|
Telenor karusell: Lokal fjellcup i indre Sogn for dei minste, og andre familiemedlemer. Fin ryggsekk til alle som deltek i minst to renn.
  |
|
||||||||||||||||||||||||||||||||||||||||||||||||||||||||||||||||||
|
To download the full version visit vuze.com Her kan du mellom anna sjå Per Øvreseth sitt race ned siste henget, og kvifor han er kongen av Dyrhaugsryggen. Men, du kan også sjå Helge Bondevik sitt fall, som kosta han eitt par ski, i sakte kino. Fungerar det ikkje - prøv til att litt seinare.
 Per Øvreseth vann Tinderittet i 2007 på ny løyperekord. Han stilte til start som regjerande konge av Dyrhaugsryggen. Sogn Avis skriv om den amputerte kongekampen, og utfordraren Steinar Nes, som ikkje fekk måla seg med Per frå same start.
Men, det er mange kongekampar på Dyrhaugssryggen. På bildet er Per klar for det siste henget. Han starta eitt minutt bak Håkon Nesse, og hadde her teke inn 22 sekundar på Lærdalssystrenningen. I mål hadde han knipe ny seks sekund. Håkon Nesse kasta heller ikkje akkurat vekk tida ned siste henget - det gjekk rett ned. Det seier litt om farten til Per Øvreseth inn til mål.
Om nokre dagar vil det bli lagt video frå det siste henget, som viser både Per, Håkon og Helge Bondevik. Helge sitt fall i botnen egnar seg godt på film.
 Håkon Nesse skulle slå Per Øvreseth, men hadde ingen sjanse, som debutant på Tinderittet. Håkon vart nr. 2 i klassen. Men, Håkon har lova å koma att til neste år. Dette var bratt moro, sa han.
Alle var nøgde etter Tinderittet laurdag 3. mai. Skodda, som la seg tett øverste henget, på kring 1600 - 1800 moh utover rennet, skapte sjølvsagt problem. Men arrangørane fekk mykje skryt for måten dei takla situasjonen på, ved å trekke starten ned til sikten var god.
Då hadde kring halvparten av løparane starta. På denne måten fekk Tinderittet 2008 ei lang og kort løype. Men, før ein kom så langt, hadde rennet vore stoppa fleire gonger på grunn av tjukk skodde. Dette var noko arrangøren IL Fanaråk hadde trent mykje på, og som dei meistra godt. Sjå RESULTATA HER
 Foto: Tor Yttri
Tinderittet Junior var det full fart på 25 jenter og gutar opp til 14 år. Desse starta på 1450 moh, på Øvre Dyrhaug, og hadde same mål som seniorane, ved Turtagrø. På grunn av mange traversar, var det diverre mange som fekk problem med å finne løypa. Men, dei minste klaga ikkje. Tinderittet Junior var også siste rennet i fjellkarusellen i Sogn, og alle deltakarane fekk Telenorsekken og buff, i tillegg til fine premiar frå IL Fanaråk.
 Foto: Maia Johnsen Kvåle
 YR.no melder fint ver på laurdag. Dagane før kjem det til å bli grått og vått. Men, dersom dette blir veret, så skal me jubla. No er det berre å melda seg på. Betre kan det ikkje bli!
No nærmar det seg, og mange lurer kanskje på korleis ein skal koma seg til Vest-Jotunheimen, Dyrhaugsryggen og Turtagrø.
Du kjem i prinsippet til Turtagrø berre på to måtar. Det er anten frå vest via Sogndal, eller frå aust over Sognefjellet, via Lom.
Turtagrø ligg på vestsida av Sognefjellet, og fjellet må vera opna for vinteren, om du skal koma frå aust. Sognefjellet vil vera ope til Tinderittet!
Dersom du lurer på om det går buss, kan du sjå på www.fjord1.no. Elles er det enklast med bil. Gå saman med andre, og køyr i lag. Finn ruta på t.d. www.naf.no
Frå Lillehammer: 240 km
Frå Voss: 180 km
Frå Førde: 175 km
Frå Geilo: 221 km
Frå Oslo: 395 km
Frå Oppdal: 230 km
 Då Tinderitte skulle finna eit høveleg bilde til plakat for årets arrangement, så vart det dette bildet, som vist over. Personen på bildet er Tor Erik Hagen. Han er i det siste henget, og viser full kontroll, før han set utfor for å få mest mogleg fart inn mot mål. Me takkar Tor Erik for stilfull køyring.
Med kring 270 på starstreken på 1314 moh på Fremsta Kjeringi på Leikanger, fellesstart på telemarkski, må vel Kjeringi Open vera størst på fjellcross, eller cross i det heile. HER (www.asken.no) kan de sjå bilder frå oppturen og starten på Kjeringafjellet den 19. april. Fyrste etappen er på kring 8 km, og går unna på kring 8 minutt. Då går det fort. Les også meir på www.kjeringi-open.no
Det var moro på Hafslo, då Luster Telemark og Sogn Skisenter arrangerte det fyrste Heggmyrane rett ned laurdag 12. april. Det starta i laussnøen, og avslutta i slalombakken. Ein artig kombinasjon, som krevde sin mann og si dame. Sjå resultata HER
 Ein telemarkssving til ære for fotograf Tor Yttri. Resten gjekk i alpint.
Her kan de sjå Steinar Nes frå Sogndal med hjelmkamera på Tinderittet 2007. Steinar køyrde ned på 5:56, og vann fjelltelemark, 19-29 år. Anders Johan Almås har redigert videoen, og lånt han ut til Tinderittet.
To download the full version visit vuze.com
Startlistene blir sette opp etter dei som har meldt seg på innan 1. mai klokka 18:00. Skjema for påmelding finn du HER.
På Tinderittet er det minuttstart, men også klokkeslettstart. Løpar nr. 1 startar t.d. klokka 13:01, løpar nr. 50 klokka 13:50 etc.. På grunn av dette systemet må ein setje opp startlistene utan unødig opphald mellom kvar klasse, for å få eit kontinuerleg ritt.
Etterpåmelding er mogleg fram til laurdag 3. mai klokka omlag klokka 09:00, men dei som melder seg på etter 1. mai klokka 18:00, må finna seg i å starta til slutt, uansett klasse. Påmelding på nettet vert avslutta fredag 2. mai. Påmelding den 3. mai kan derfor berre skje på rennkontoret på Turtagrø.
Sjekk påmelde HER:
Fjellkarusellen, som er namnet på telenorkarusellen knytt til dei tre fjellrenna Sogndalsrittet, Sognefjordrennet og Tinderittet, vert avslutta på Tinderittet. Sidan deltakinga ikkje når opp i dei høge tal arrangørane såg føre seg, så vil alle deltakarane på Tinderittet Junior få ein slik ryggsekk, saman med ein fin buff.
 Per Ove deler ut ryggsekk på telenorkarusellen på Kleppa i februar 2008.
Ein ny film er lagt ut på nettet. Her kan du sjå menn og kvinner frå 16 år og oppover, prøva seg på Kjeringi. Her går det fort. Til melodien "I am a man". Eit skikkeleg karstykkje. Les elles meir om Sognefjordrennet HER
To download the full version visit vuze.com
NettPost har i fleire år vore hovudsponsor for Tinderittet. Det vil NettPost å halda fram med. Bergans er ny som sponsor, og vil no vera hovudsponsor saman med NettPost. Det er fyrste gong Tinderittet deler inn i hovudsponsorar og andre sponsorar. Hovudsponsorane yter litt ekstra.
I tillegg har Tinderittet mange andre viktige sponsorar. Fleire av desse kan rykke opp som hovudsponsorar før 3. mai. Dette har med avtalar og formalitetar å gjera. Men, alle sponsorane er uansett viktige.
Dei som vil tene på Tinderittet sin nye sponsorprofil er løparane. Det vil bli mange fine premiar i åra som kjem, og kanskje blir også T-skjortene heilt spesielle?
No kan du sjå Sognefjordrennet Off Pist, den korte løypa, som video på nettet. Du kan velje mellom YouTube elle Vuze. På Vuze er kvaliteten langt betre. Vuze er mest for voksne. På Vuze finn du også filmen frå Kjeringi Open 2007.
To download the full version visit vuze.com To download the full version visit vuze.com
Sogndalsrittet på youtube. To slideshow. Junior og Senior. For dei som vil sjå bilda i betre kvalitet, er Asken plassen. På youtube finn de også ein film frå fjellsportfestivalen av Hallingdal IFHS.
Sogndalsrittet vart bratt moro i laussnøen i Hodlekve. Ein kunne ikkje starta frå toppen av Blåfjellet på grunn av vind, snø og skodde. Men, rennet vart likevel moro for alle. Mange ville køyra fleire gonger. Sjå bilde av alle løparane HER. Resultata kjem på Fjellsportfestivalen side nettsider. Sogndalsrittet var fyrste rennet i fjellkarusellen i indre Sogn. Neste renn er Sognefjordrennet. Rennet var for born og voksne, og både telemark, alpint og snøbrett. Eit skikkeleg fjellrenn!
    
Tinderittet starta opp i 1992, og er "Kongen" blant renna i Sogn. I 2005 fekk me Sognefjordrennet på Leikanger. Sognefjordrennet har fått status som Norgescup. I Sogndal vil dei i år arrangera Sogndalsrittet for fyrste gong, i samband med Fjellsportfestivalen.
Desse tre renna samarbeidar på mange område. Mellom anna arrangerar dei kvart sitt renn i Telenor karusell. Dette blir ein karusell i tre kommunar, og i tre av Norges vakraste fjell. Det må bli verdas flottaste Telenor karusell.
Dei tre renna nyttar også like påmeldingsskjema. Alle renna er for telemark, alpint og snøbrett, og alle nyttar same klasseinndeling. Alle renna har ei kort og ei lang løype, og alle renna har klassar for dei yngste og eldste.
Med dette samarbeidet vonar sogningane på god rekruttering. Påmeldinga har starta!
 |
|
|
|||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||
|
|
|
|
|
|
|
||||||||||||||||||||||||||||||||||||||||||||||||||||||||||||||||
powered by ASKEN